اسلام آباد (ش ح ط) خیبر پختونخوا کے قبائلی ضلع جنوبی وزیرستان میں کالعدم تنظیم تحریک طالبان پاکستان کے مقامی مرکز میں دھماکا ہوا ہے جس کے نتیجے میں ابتک 5 افراد ہلاک جبکہ 10 سے زائد زخمی ہو گئے جن میں سے متعدد کی حالت تشویشناک بتائی جاتی ہے۔
مقامی ذرائع کے مطابق جنوبی وزیرستان کی دور آفتادہ علاقہ کشمیر کنڑ ازمرے نالہ میں واقعہ کالعدم تنظیم تحریک طالبان پاکستان گنڈا پور گروپ کے مرکز میں دھماکا ہوا ہے، اس دھماکہ میں پانچ دہشت گرد ہلاک ہوگئے ہیں جبکہ 10 سے زائد زخمی ہیں جن میں متعدد کی حالت تشویشناک بتائی جاتی ہے۔ ہلاک دہشت گردوں کی شناخت تاحال نہ ہو سکی۔
