لاہور (نمائندہ ڈیلی اردو) صوبہ پنجاب کے ضلع راجن پور کے قریب حساس اداروں اور کاؤنٹر ٹیررزم ڈیپارٹمنٹ (سی ٹی ڈی) نے اہم کارروائی کرتے ہوئے کالعدم تنظیم القاعدہ کے 5 دہشت گردوں کو گرفتار کر لیا۔
سی ٹی ڈی ذرائع کے مطابق حساس اداروں کی کارروائی کے دوران کالعدم تنظیم القاعدہ کے کچھ ارکان فرار ہونے میں بھی کامیاب ہوگئے ہیں، جن کی تلاش کیلئے علاقے کو گھیرے میں لے کر سرچ آپریشن شروع کردیا گیا ہے۔
حساس اداروں اور کاؤنٹر ٹیررازم ڈیپارٹمنٹ کی کارروائی کے دوران گرفتار دہشت گردوں سے بھاری مقدار میں بارودی مواد اور اسلحہ برآمد ہوا ہے۔
