کوئٹہ (بیورو رپورٹ) صوبہ بلوچستان کے صوبائی دارالحکومت کوئٹہ میں کاؤنٹر ٹیررزم ڈیپارٹمنٹ نے کارروائی کرتے ہوئے فرقہ وارانہ اور ٹارگٹ کلنگ میں ملوث لشکر جھنگوی کا دہشت گرد گرفتار کرلیا۔
سی ٹی ڈی کے مطابق پیر کو سی ٹی ڈی نے خفیہ اطلاع ملنے پر کوئٹہ کے علاقے قمبرانی روڈ پر واقع انگور کے باغ میں کارروائی کرتے ہوئے کالعدم تنظیم لشکر جھنگوی کے اہم دہشت گرد کو گرفتار کر کے اس کے قبضے سے اسلحہ و گولہ بارود برآمد کرلیا۔
ترجمان نے بتایاکہ گرفتار دہشت گرد نے تفتیش کے دوران فرقہ وارانہ دہشت گردی اور شیعہ ٹارگٹ کلنگ کی وارداتوں کا اعتراف کیا ہے۔
