212

کراچی میں نامعلوم افراد کی فائرنگ سے پی ایس پی کے رہنما عبدالحبیب جاں بحق

کراچی (ڈیلی اردو) کراچی میں سخی حسن کے قریب فائیو اسٹار چورنگی پر کار پر فائرنگ سے ایک شخص جاں بحق ہو گیا۔

ایس ایس پی ضلع وسطی کا کہنا ہے کہ مقتول کے پاس سے کراچی چیمبر آف کامرس کا کارڈ ملا ہے اور اُس کی شناخت عبدالحبیب کے نام سے ہوئی ہے۔

پولیس کا کہنا ہے کہ واقعے کی تحقیقات کر رہے ہیں، پولیس کا کہنا تھا کہ ابتدائی معلومات کے مطابق ملزمان موٹر سائیکل پر سوار تھے۔

پولیس کا کہنا ہے کہ گاڑی پر 4 سے 5 فائر کیے گئے، واقعے کی مزید تحقیقات کر رہے ہیں۔

ریسکیو ذرائع کے مطابق فائرنگ سے جاں بحق شخص ہونے والے شخص کی لاش عباسی شہید اسپتال منتقل کر دی گئی ہے جس کی شناخت عبدالحبیب کے نام سے ہوئی۔

دوسری جانب پاک سر زمین پارٹی کے ترجمان کا کہنا ہے کہ مقتول عبدالحبیب پی ایس پی کے رہنما اور سندھ اسمبلی کے حلقہ پی ایس 122 سے پاک سر زمین کے امیدوار بھی رہے تھے۔

کے سی سی آئی کے سر پرست سراج قاسم تیلی نے کراچی چیمبر آف کامرس کے رکن کے قتل کی مذمت کی ہے۔

اس خبر پر اپنی رائے کا اظہار کریں

اپنا تبصرہ بھیجیں