پشاور (ڈیلی اردو) صوبہ خیبر پختونخوا کے صوبائی دارالحکومت پشاور کے علاقے پہاڑی پورہ میں ننھے بچے کی ذبح شدہ لاش برآمد ہوئی ہے۔
ذرائع کے مطابق پشاور کے علاقے پہاڑی پورہ میں ننھے بچے کی ذبح شدہ لاش برآمد ہوئی ہے۔
پولیس ذرائع کے مطابق 2 سالہ فرمان کا تعلق قبائلی ضلع کرم کے شہر پارا چنار سے تھا۔
پولیس حکام کے مطابق بچہ اپنے چچا کے گھر گل آباد آیا ہوا تھا، بچہ کھیلنے کے لئے باہر نکلا اور گم ہوگیا، تاہم تلاش کے بعد اس کی بوری بند لاش ملی۔
واقعے کی اطلاع ملتے ہی پولیس کی ٹیم جائے وقوعہ پر پہنچی اور شواہد اکٹھے کر کے تحقیقات شروع کردی گئی ہے۔
