ڈیرہ اسماعیل خان (ڈیلی اردو) صوبہ خیبر پختونخوا کے ضلع ڈیرہ اسماعیل خان کی تحصیل کلاچی میں پولیس کی گاڑی پر نامعلوم مسلح افراد نے راکٹ لانچر اور دستی بموں سے حملہ کیا ہے۔
پولیس ذرائع کے مطابق کلاچی تھانہ کی حدود میں ناکہ بندی پر مصروف بکتر بند گاڑی پر نامعلوم مسلح افراد نے راکٹ لانچر اور دستی بموں سے حملہ کیا، حملے کے نتیجے میں دو اہلکار زخمی ہوگئے۔ زخمی اہلکاروں کو مقامی ہسپتال منتقل کردیا گیا ہے۔
https://twitter.com/ShabbirTuri/status/1375027126152261638?s=19
مقامی انتظامیہ کا کہنا ہے کہ حملہ اس وقت ہوا جب پولیس گاڑی اندرون گیٹ ناکے پر کھڑی تھی جس میں پولیس اہلکار محمد شکیل اور اقبال خان شدید زخمی ہوگئے۔
واقعے کی اطلاع ملتے ہی سیکیورٹی فورسز اور پولیس نے جائے حادثے کو گھیرے میں لیکر سرچ آپریشن شروع کیا اور نامعلوم ملزمان کی تلاش شروع کردی ہے، اس موقع پر بم ڈسپوزل اسکواڈ بھی جائے حادثہ پر پہنچا اور شواہد جمع کرنا شروع کردئیے۔
