اسلام آباد (ش ح ط) کاؤنٹر ٹیررزم ڈیپارٹمنٹ (سی ٹی ڈی) نے لاہور میں کارروائی کرتے ہوئے دو دہشت گردوں کو گرفتار کر لیا۔
تفصیلات کے مطابق صوبہ پنجاب کے صوبائی دارالحکومت لاہور میں سی ٹی ڈی نے بڑی کارروائی کرتے ہوئے کالعدم تنظیم کے 2 دہشت گردوں کو گرفتار کر لیا۔
کاؤنٹر ٹیرارزم (سی ٹی ڈی) ذرائع کے مطابق گرفتار کیے گئے مبینہ دہشت گردوں کا تعلق کالعدم تنظیم سے ہے جنہیں محمود بوٹی سے حراست میں لیا گیا۔
سی ٹی ڈی کے مطابق دہشت گردوں کی شناخت عبدالکریم اور عبد الباسط کے ناموں سے ہوئی ہے۔
سی ٹی ڈی کے مطابق دہشت گرد قانون نافذ کرنے والے اداروں کو نشانہ بنانا چاہتے تھی گرفتار دہشت گردوں سے اسلحہ، دھماکہ خیز مواد اور موبائل فون برآمد ہوئے ہیں۔
ذرائع کے مطابق دہشت گردوں نے بڑی کارروائی کی منصوبہ بندی کر رکھی تھی۔ دہشت گردوں کو مزید تفتیش کے لیے نامعلوم مقام پر منتقل کر دیا گیا۔
سی ٹی ڈی ذرائع کے مطابق دہشت گردوں سے تفتیش کے دوران مزید انکشافات کی بھی توقع ہے۔
