چارسدہ (نمائندہ ڈیلی اردو) چارسدہ میں پولیس نے کارروائی کرتے ہوئے کالعدم تنظیم تحریک طالبان پاکستان (ٹی ٹی پی) کا دہشت گرد گرفتار کرلیا۔
ڈی ایس پی شبقدر فاروق زمان خان کے مطابق کالعدم تنظیم تحریک طالبان پاکستان کا خطرناک دہشت گرد جمیل احمد کو گرفتار کرلیا۔ ملزم جمیل احمد شبقدر کا رہائشی ہے۔
ڈی ایس پی پولیس کے مطابق گرفتار دہشت گرد پولیس موبائل وین اور پرائمری اسکول کو دھماکا خیز مواد سے نقصان پہنچانے میں ملوث ہے۔
گرفتار ملزم دہشت گردی کے تین وارداتوں میں ملوث رہا ہے، ملزم پولیس موبائل کو بھی دھماکہ خیز مواد نصب کئے تھے۔
ملزم کو مزید تفتیش کے لئے نامعلوم مقام پر منتقل کر دیا گیا، ملزم نے 2013 کو گورنمنٹ پرائمری سکول اقرب ڈاگ کو بھی دھماکے خیز مواد سے اڑایا تھا۔
