کراچی: ملیر سے کالعدم تحریک طالبان پاکستان کا دہشت گرد گرفتار

کراچی (ڈیلی اردو) کراچی کے علاقے ملیر سے کالعدم تحریک طالبان باجوڑی گروپ کے دہشتگرد کو گرفتار کرلیا گیا۔

پولیس کے مطابق ضلع ملیر سے گرفتار کیے گئے دہشتگرد عثمان غنی عرف عرفان کا تعلق کالعدم تحریک طالبان پاکستان باجوڑی گروپ سے ہے اور یہ دہشتگرد افغانستان سے تربیت یافتہ ہے۔

پولیس کا کہنا ہے کہ ملزم 2019 میں طالبان کمانڈر قاری عبیداللہ کے پاس افغانستان گیا تھا، دہشتگرد نے چہارمنگ باجوڑ کے مقام پر سیکیورٹی فورسز پر حملہ کیا جس کے نتیجے میں ایک سپاہی ہلاک ہو گیا تھا۔

پولیس کے مطابق دہشتگرد باجوڑ سے افغانستان آنے اور جانے کے خفیہ راستوں کی مکمل معلومات رکھتا ہے جبکہ گرفتاری کے وقت دہشتگرد کے قبضے سے اسلحہ اور ایمونیشن بھی ملا جو قبضے میں لے لیا گیا۔

پولیس کے مطابق دہشتگرد اپنے ساتھیوں کے ساتھ فیس بک کے ذریعے رابطے میں رہتا تھا۔

اس خبر پر اپنی رائے کا اظہار کریں

اپنا تبصرہ بھیجیں