اسلام آباد (ڈیلی اردو) پاکستان نے اقوام متحدہ کے 3 اہم اداروں کی رکنیت حاصل کر لی ہے۔
ترجمان دفتر خارجہ نے کہا ہے کہ پاکستان نے جن تین اہم اداروں کی رکنیت حاصل کی ہے ان میں جرائم کی روک تھام، خواتین کی حیثیت سے متعلق اور پاپولیشن اینڈ ڈویلپمنٹ کمیشن شامل ہیں۔
Pakistan’s successful election at the #ECOSOC as a member of three different Commissions is a strong vote of trust and confidence by the international community on Pakistan’s role at the United Nations.
#CSW #CCPCJ #CPD— Munir Akram, PR of Pakistan to the UN (@PakistanPR_UN) April 20, 2021
انہوں نے کہا کہ کمیشن معاشرتی اور معاشی امور پر بین الاقوامی تعاون میں اہم کردار ادا کرتے ہیں۔
ترجمان دفتر خارجہ کے مطابق انتخابات اقوام متحدہ کے 54 رکنی پرنسپل آرگنائزیشن اکنامک اینڈ سوشل کونسل میں ہوئے تھے۔
یکم جنوری 2022 سے پاکستان تینوں کمشنز کی رکنیت سنبھالے گا۔ تینوں کمشنز کا انتخاب اقوام متحدہ میں پاکستان پرعالمی برادری کے اعتماد کی عکاس ہے۔
