112

ڈیرہ اسماعیل خان میں پولیس موبائل پر فائرنگ، ایک اہلکار زخمی

ڈی آئی خان (وجاہت حسین زیدی) صوبہ خیبر پختونخوا کے ضلع ڈیرہ اسماعیل خان میں نامعلوم مسلح ملزمان نے پولیس موبائل پر فائرنگ کردی جس کے نتیجے میں ایک اہلکار زخمی ہو گیا۔

پولیس کے مطابق ڈی آئی خان کے علاقے بند دھپ والے میں پولیس موبائل معمول کے گشت پر مامور تھی جب یہ واقعہ پیش آیا۔

پولیس حکام کا بتانا ہے کہ پولیس موبائل پر فائرنگ سے ایک اہلکار زخمی ہوا جبکہ جوابی فائرنگ پر ملزمان فرار ہو گئے۔

پولیس کا بتانا ہے کہ زخمی پولیس اہلکار کو طبی امداد کے لیے ہسپتال منتقل کر دیا گیا ہے جبکہ ملزمان کی گرفتاری کے لیے سرچ آپریشن جاری ہے۔

اس خبر پر اپنی رائے کا اظہار کریں

اپنا تبصرہ بھیجیں