تہران (ڈیلی اردو) ایران کے پاسداران انقلاب نے افغانستان کے سرحد کے نزدیک ایک علاقے میں عسکری کارروائی کے دوران تین دہشت گردوں کو ہلاک کرنے کا دعویٰ کیا ہے۔
عالمی خبر رساں ادارے کے مطابق پاسداران انقلاب کے محافظوں نے افغانستان سے متصل ایرانی علاقے میں عسکری کارروائی کی جس کے دوران تین دہشت گردوں کو ہلاک کر کے ان کے ٹھکانوں کو تباہ کردیا۔
ایران کی نیم سرکاری نیوز ایجنسی فارس کے مطابق عسکری کارروائی کے دوران دہشت گردوں نے مزاحمت دکھائی اور پاسدران انقلاب کی فورسز کے ساتھ فائرنگ کا تبادلہ بھی ہوا۔ عسکری کارروائی کے دوران دہشتگردوں سے اسلحہ اور باردو بھی برآمد کیا گیا۔
https://twitter.com/TehranDC/status/1385941714775547908?s=19
پاسداران انقلاب کے ترجمان کے جانب سے جاری بیان میں بھی تین ہلاکتوں کی تصدیق کی گئی ہے تاہم دہشتگردوں کی شناخت ظاہر نہیں کی گئی اور نہ ہی مزید تفصیلات بتائی گئی ہیں۔
