کابل (ڈیلی اردو) افغانستان کے صوبے ننگرہار میں نامعلوم مسلح افراد کی فائرنگ سے 5 افراد ہلاک ہوگئے۔
افغان میڈیا کے مطابق صوبے ننگرہار میں نامعلوم مسلح افراد کے حملے کے نتیجے میں 5 افراد ہلاک ہوگئے، حملہ آوروں نے گیسٹ ہاؤس پر اندھا دھند فائرنگ کی جس کے باعث طالبان کا ایک سابق اہلکار بھی ہلاک ہوگیا جب کہ واقعے میں 3 افراد زخمی بھی ہوئے جنہیں ہسپتال منتقل کردیا گیا ہے۔
فائرنگ کے واقعہ کے بعد علاقے میں سیکیورٹی فورسز کی بڑی تعداد کو طلب کرکے داخلی اور خارجی راستوں پر سرچنگ کا عمل جاری ہے تاہم ابھی تک کسی بھی گروپ کی جانب سے ذمہ داری قبول نہیں کی گئی۔
