لبنان (ڈیلی اردو) اسرائیلی فوج نے لبنان کی سمت سے آنے والے ایک ڈرون طیارہ کو مار گرانے کا دعویٰ کیا ہے اور اس کو ’’حزب اللہ ڈرون‘‘ کا نام دیا ہے۔
اسرائیلی فوج نے منگل کے روز ایک بیان میں کہا ہے کہ اس نے چند ہفتے قبل بھی حزب اللہ کے ایک اور ڈرون کو تباہ کیا تھا۔ اس کا کہنا ہے کہ’’ہم اسرائیل کی خودمختاری کی خلاف ورزی کی کسی بھی کوشش کو ناکام بنانے کے لیے کام جاری رکھیں گے۔‘‘
Our troops downed a Hezbollah drone that crossed from Lebanon into Israel today. In addition, we located another Hezbollah drone that we downed a few weeks ago. ????
We will continue to operate in order to prevent any attempt to violate Israeli sovereignty.
— Israel Defense Forces (@IDF) April 27, 2021
قبل ازیں اس سال کے اوائل میں لبنان کی شیعہ ملیشیا حزب اللہ نے ملک کی فضائی حدود میں آنے والے ایک اسرائیلی ڈرون کو مار گرایا تھا جبکہ اسرائیل نے بھی اس کا اعتراف کیا تھا لیکن اس نے یہ کہا تھا کہ اس کا ڈرون لبنان کی حدود میں گرا ضرور ہے لیکن وہ تباہ نہیں کیا گیا ہے۔
اسرائیلی فوج کا کہنا تھا کہ ڈرون دونوں ملکوں کے درمیان ’’نیلی لکیر‘‘ کے نام سے سرحدی حدبندی کے نزدیک ایک کارروائی کے دوران میں گرا تھا مگر اس واقعہ میں ’’معلومات کی کوئی خلاف ورزی‘‘ نہیں ہوئی تھی۔
