کابل (بیورو رپورٹ) افغانستان کے دارالحکومت کابل میں ہفتے کی شب ایندھن کے ٹینکر میں ہونے والے دھماکے میں کم از کم دس افراد ہلاک، 14 زخمی اور متعدد لاپتہ ہوگئے۔
ایک مقامی ٹی وی چینل طلوع نیوز نے اتوار کے روز بتایا کہ کابل کو شمالی صوبوں سے ملانے والی شاہراہ کی ایک جانب، جہاں 50 کے قریب تیل کے ٹرک کابل میں داخل ہونے کے لئے کھڑے تھے، ایک ایندھن کا ٹینکر دھماکے سے پھٹ گیا جس کے بعد اس میں آگ بھڑک اٹھی۔
Footage from Saturday night’s major fire in #Kabul in which dozens of fuel tankers were burnt. #Afghanistan pic.twitter.com/pvOvrVz430
— TOLOnews (@TOLOnews) May 2, 2021
شہر کے شمالی مضافات میں شکر درہ ضلع کے علاقے میں ابتدائی دھماکہ کے نتیجے میں دھماکوں کا سلسلہ شروع ہوا، جس سے ایندھن کے کم از کم 50 ٹرک متاثر اور تباہ ہوئے۔ اس حادثے میں ایندھن کا ایک پمپ اسٹیشن، کئی دکانیں اور مکانات بھی تباہ ہوگئے۔
At least 10 people died, 14 more injured and dozens of Oil Tankers burnt in last night's fire in #Kabul, according to sources. The cause of the fire still unknown. #Afghanistan pic.twitter.com/DTnIXg7oGt
— خبرگزاری دید (@Didpress_agency) May 2, 2021
آگ بجھانے کے متعدد یونٹ آگ پر قابو پانے اور متاثرہ لوگوں کی مدد کے لئے علاقے میں مصروف تھے۔
رپورٹ کے مطابق یہ واقعہ دہشت گردی پر مبنی سرگرمی کا شاخسانہ ہوسکتا ہے، ایک ٹرک ڈرائیور نے بتایا ہے کہ دھماکا ٹرکوں میں سے ایک کے ساتھ چپکنے والے دیسی ساختہ بم کے پھٹنے سے ہوا تھا۔
دھماکے سے بجلی کے کھمبے کو نقصان پہنچا جس کے بعد سے کابل کے کچھ علاقوں میں بجلی کی فراہمی معطل ہوگئی ہے۔