افغانستان: پکتیا میں سڑک کنارے دھماکا، 4 شہری ہلاک

ڈیلی اردو (بیورو رپورٹ) افغستان کے مشرقی صوبہ پکتیا کے صدر مقام گردیز شہر کے باہر گاڑی بارودی سرنگ سے ٹکرانے پر 4 شہری ہلاک ہوگئے ہیں۔

صوبائی گورنر محمد حلیم فدائی نے سوموار کے روز کہا کہ یہ مہلک دھماکہ اتوار کی سہ پہر گردیز شہر کے بیرونی گاؤں ابراہیم خیل میں ہوا جس میں 2 خواتین، ایک بچے اور کار کے ڈرائیور سمیت 4 شہری موقع پر ہلاک ہوگئے۔

عہدیدار نے مزید کہا کہ تمام متاثرین کا ایک ہی خاندان سے تعلق ہے اور وہ شادی کی تقریب میں شرکت کیلئے جارہے تھے کہ عسکریت پسندوں کی جانب سے بچھائی گئی بارودی سرنگ سے ٹکرا گئے۔

عہدیدار نے مزید تفصیلات بتائے بغیر کہا کہ ملزمان کو انصاف کے کٹہرے میں لانے کیلئے کوششیں جاری ہیں۔

اس خبر پر اپنی رائے کا اظہار کریں

اپنا تبصرہ بھیجیں