اسلام آباد (نیوز ڈیسک) وزیراعظم عمران خان کی زیر صدارت قومی سلامتی کمیٹی کے اجلاس کا اعلامیہ جاری کردیا گيا ۔
اعلامیے میں کہا گیا ہے کہ بھارتی جارحیت کا جواب دینے کے لیے پاکستان وقت اور جگہ کا انتخاب خود کرے گا۔
وزيراعظم کی زیر صدارت ہونے والے قومی سلامتی کمیٹی کے اجلاس میں بھارتی فضائی دراندازی کا معاملہ عالمی سطح پر اٹھانے کا فیصلہ کیا گيا۔
A special meeting of the National Security Committee chaired by the Prime Minister was held at @PakPMO today. The meeting was attended by Ministers of Foreign Affairs, Defence, Finance, Chairman Joint Chiefs of Staff Committee, COAS, CNS, CAS and other civil & military officials. pic.twitter.com/N4VVKdCaEb
— Prime Minister's Office (@PakPMO) February 26, 2019
اعلامیے کے مطابق بالاکوٹ کے نزدیک مبینہ جیش محمد کیمپ کو ٹارگٹ کرنے کا بھارتی دعوٰی مسترد کر دیا گیا ہے جبکہ بھارت کا بڑے پیمانے پر ہلاکتوں کا دعوٰی بھی مستر کر دیا گیا ہے۔
بھارتی دراندازی کامعاملہ اوآئی سی،دوست ممالک اوراقوام متحدہ میں فوری اٹھانےکافیصلہ کیا گيا ہے ، وزیرخارجہ معاملےکوعالمی سطح پر اٹھانےکیلئےرابطےکریں گےجبکہ اجلاس میں فیصلہ کیا گيا کہ پارلیمنٹ کواعتمادمیں لینے کےلیے مشترکہ اجلاس بلایا جائے گا۔
قومی سلامتی کمیٹی نے عالمی برادری کو نشانہ بنائے گئے علاقے کا مشاہدہ کرنے کی دعوت دیتے ہوئے کہا ہے کہ عالمی برادری خود آکر زمینی حقائق کو دیکھے۔ قومی وبین الاقوامی میڈیا کو متاثرہ جگہ تک لے جایا جا رہا ہے۔
