180

مقبوضہ کشمیر میں بھارتی فوج کا ہیلی کاپٹر گر کر تباہ، 6 افراد ہلاک

سری نگر (ویب ڈیسک) مقبوضہ کشمیر میں بھارتی ہیلی کاپٹر ایم آئی 17 گر کر تباہ ہوگیا جس کے نتیجے میں 6 افراد ہلاک ہوگئے۔

بین الاقوامی خبر رساں ادارے کے مطابق مقبوضہ کشمیر کے ضلع بڈگام کے کھلے میدان میں بھارتی فوج کا ہیلی کاپٹر گر کر تباہ ہوگیا جس کے نتیجے میں 6 افراد ہلاک ہو گئے۔ حادثے کی وجہ پر بھارتی حکام نے خاموشی اختیار کر رکھی ہے۔

جائے حادثہ پر ہیلی کاپٹر کے ملبے سے 6 افراد کی لاشوں کو نکالا گیا ہے جن میں صرف ایک شخص کی شناخت ہوسکی ہے، شناخت کفایت حسین گیلانی کے نام سے ہوئی ہے جس کا تعلق انڈین ایئر فورس ہے۔

قبل ازیں بھارتی حکام نے اسی علاقے میں ایک ایئرکرافٹ کے تباہ ہونے کا دعویٰ کیا تھا تاہم جاری کردہ تازہ تفصیلات میں بتایا گیا ہے کہ تباہ ہونے والا طیارہ دراصل مال بردار ہیلی کاپٹر تھا، تاہم ہلاک ہونے والے 4 افراد کی شناخت ظاہر نہیں کی گئی۔

بھارتی حکام نے ہیلی کاپٹر کی پرواز کے مقام اور منزل سے متعلق بھی معلومات فراہم نہیں کی گئی ہیں جب کہ ہیلی کاپٹر اس وقت کس مہم پر تھا یا کس مقصد کے لیے استعمال ہورہا تھا، یہ تفصیلات بھی آنا باقی ہیں۔

واضح رہے کہ پاک فوج کے ترجمان میجر جنرل آصف غفور نے میڈیا کو بتایا تھا کہ 2 بھارتی طیاروں کو نشانہ بنایا گیا ہے جس میں سے ایک کا ملبہ آزاد کشمیر جب کہ دوسرا بھارت کے زیر تسلط مقبوضہ کشمیر کے علاقے میں گرا تھا۔

اس خبر پر اپنی رائے کا اظہار کریں

اپنا تبصرہ بھیجیں