اسلام آباد(ڈیلی اردو) سابق سپیکر قومی اسمبلی و ممبر سید فخر امام کو قومی اسمبلی کی خصوصی کمیٹی برائے کشمیرکا چئیرمین منتخب کر لیا گیا ہے، کمیٹی کا اجلاس گزشتہ روز پارلیمٹ میں کمیٹی روم نمبر 2 میں ہوا جس چئیرمین کے انتخاب کا عمل مکمل کر لیا گیا۔
چئیرمین کمیٹی کے لیے سید فخر امام کا نام شیخ روحیل اصغر نےتجویز کیا جبکہ محمد امجد فاروق خان نے تائید کی ۔خصوصی کمیٹی کے لیے فخر امام کو متفقہ طور پر چئیرمین منتخب کر لیا گیا۔
اجلاس میں ممبران اسمبلی نزہت پٹھان، اورنگزیب کچھی، ثوبیہ کمال، غزالہ سیفی، عظمیٰ ریاض، نورین فاروق، کرن عمران ڈار،چوہدری عابد رضا، سید محمود شاہ، نوابزادہ افتخار احمد، احمد خان بابر، عامر ڈوگر نے شرکت کی۔
