پشاور (نمائندہ ڈیلی اردو/ٹی این این) صوبہ خیبر پختونخوا کے قبائلی ضلع شمالی وزیرستان کی تحصیل میرعلی میں نامعلوم افراد نے دو نوجوانوں کو فائرنگ کرکے ہلاک کردیا۔
ذرائع کا کہنا ہے کہ نامعلوم مسلح افراد نے ٹوچی پار خیدر خیل شاخ بوبر خیل کے دو نوجوانوں کو ٹارگٹ کلنگ کا نشانہ بنایا۔
نامعلوم مسلح افراد نے دوست اللہ اور سنیب پر فائرنگ کرکے قتل کردیا، دونوں افراد کی ڈیٹ باڈی پوسٹ مارٹم کے لئے قریبی ہسپتال منتقل کردیا گیا۔
نامعلوم مسلح افراد ٹارگٹ کلنگ کے بعد موقع سے فرار ہونے میں کامیاب ہوگئے۔
مقامی ذرائع کا کہنا ہے کہ نامعلوم مسلح افراد نے سنیب فرزند احسان، دوست اللہ فرزند کاظم کو میرعلی کے علاقے خیدرخیل میں نشانا بنایا۔
دوسری جانب پولیس نے تفتیش شروع کردی ہے۔
یاد رہے کچھ روز قبل نامعلوم افراد نے یوتھ آف وزیرستان کے بانی و سربراہ نور اسلام داوڑ کو بھی قتل کردیا تھا۔
