پشاور: 7 سالہ بچے سے بدفعلی کے بعد حساس حصے میں لاٹھی گھسا دی

پشاور (ڈیلی اردو/ٹی این این) صوبہ خیبرپختونخوا کے صوبائی حکومت پشاور کے علاقہ مچنی گیٹ میں درندہ صفت شخص نے 7 سالہ بچے کو جنسی زیادتی کا نشانہ بنانے کے بعد اُس میں لاٹھی گھسا دی جس کے نتیجہ میں بچہ شدید زخمی ہو گیا، متاثرہ بچے کو طبی امداد کیلئے ہسپتال منتقل کر دیا گیا ہے جبکہ پولیس نے میڈیکل رپورٹ کے بعد مقدمہ درج کر کے ملزم کو گرفتار کر لیا جس سے مزید تفتیش شروع کر دی گئی ہے۔

پجگی کے رہائشی شاہ ولی نے رپورٹ درج کراتے ہوئے مچنی گیٹ پولیس کو بتایا کہ اُس کے 7 سالہ بیٹے (ح) نے روتے ہوئے بتایا کہ دکاندار رحمن اللہ اُسے دکان کے اندر لے گیا اور شٹر بند کر کے اُس کے ساتھ جنسی زیادتی کی اور بعد میں اُس کے جسم کے حساس حصے میں لاٹھی گھسا دی۔

مدعی کے مطابق بچے کو تکلیف کے سبب طبی امداد کیلئے ہسپتال منتقل کر دیا گیا ہے۔

پولیس نے بتایا کہ بچے کا میڈیکل رپورٹ موصول ہونے کے بعد کارروائی کرتے ہوئے ملزم رحمن اللہ ولد شیر عالم ساکن گڑھی صحبت خان کو گرفتار کر لیا گیا ہے جس کے خلاف مقدمہ درج کر کے مزید تفتیش شروع کر دی گئی ہے۔

اس خبر پر اپنی رائے کا اظہار کریں

اپنا تبصرہ بھیجیں