صادق آباد (ڈیلی اردو) صوبہ پنجاب کے ضلع رحیم یار خان کی تحصیل صادق آباد میں ہونے والی فائرنگ کے نتیجے میں 9 افراد ہلاک اور پانچ زخمی ہو گئے ہیں۔
تفصیلات کے مطابق یہ ہولناک واقعہ صادق آباد کے علاقہ ماہی چوک میں پیش آیا۔جہاں ڈاکوؤں نے مارکیٹ میں واردات کے دوران فائرنگ کردی جس سے 9 افراد جبکہ پانچ شہری زخمی ہوگئے۔
میڈیا رپورٹس کے مطابق ان خطرناک ڈاکوؤں کا تعلق اندھڑ گینگ سے بتایا جا رہا ہے۔
آئی جی پنجاب راؤ سردار نے واقعہ کا نوٹس لیتے ہوئے آر پی او بہاولپور سے واقعہ کی رپورٹ طلب کرلی ہے۔پولیس نے جائے وقوعہ سے شواہد اکٹھے کرتے ہوئے نعشوں اور زخمیوں کو ہسپتال منتقل کردیا ہے۔
پولیس کے ذمہ دار ذرائع نے بتایا ہے کہ ملزمان کی گرفتاری کے لیے پولیس ٹیمیں ڈی ایس پی عباس اختر کی سربراہی میں کچے کے علاقے میں داخل ہو گئی ہیں جب کہ ڈی پی او اسد سرفراز بھی جائے وقوع پر پہنچ گئے ہیں۔
