صنعاء (ڈیلی اردو) یمن کے حوثی باغیوں کے دو بیلیسٹک میزائلوں کے حملے میں کم از کم دس شہریوں کی ہلاکت اور 25 دیگر کے زخمی ہونے کی اطلاع ہے۔
یہ حملہ یمن کے وسطی صوبے مارب میں قائم دار الحدیث نامی ایک مذہبی تعلیمی ادارے کی عمارت پر ہوئے۔
دارالحدیث مارب کے علاقے العامود میں واقع ہے اور اس کے ساتھ ہی ایک مسجد بھی قائم ہے۔ اتوار کے اس حملے میں ہلاک ہونے والوں میں خواتین اور بچے بھی شامل ہیں۔
اس حملے کے نتیجے میں مدرسے اور مسجد کے ارد گرد کی عمارتوں کو بھی نقصان پہنچا ہے۔
ایرانی حمایت یافتہ حوثی باغیوں کی جانب سے اب تک اس پر کوئی تبصرہ نہیں کیا گیا۔
