چارسدہ (نمائندہ ڈیلی اردو) صوبہ خیبر پختونخوا کے ضلع چارسدہ کی تحصیل شبقدر میں پولیس نے تخریب کاری کا بڑا منصوبہ ناکام دیا۔
تفصیلات کے مطابق ڈی پی او چارسدہ آصف بہادر خان کو خفیہ اطلاع ملی کہ علاقہ تھانہ خواجہ وس خرکنئ میں بھاری مقدار میں بارودی مواد زمین میں چھپایا گیا ہے اور کسی بھی وقت دہشتگردی منصوبے میں استعمال کیا جاسکتا ہے۔
اطلاع کے پیش نظر ڈی پی او چارسدہ آصف بہادر خان نے ڈی ایس پی شبقدر سبز علی خان کو ریکوری کا ٹاسک حوالہ کیا گیا جنہوں نے افتخار خان ایس ایچ او خواجہ وس اور ٹیم کے ہمراہ کامیاب کارروائی کرتے ہوئے خرکنئ علاقہ تھانہ خواجہ وس سے 4 عدد مارٹر گولے، 2 عدد راکٹ لانچر کے گولے اور 2 عدد کارٹج برآمد کرکے نامعلوم ملزمان کے خلاف مقدمہ درج کرلیا۔
