پشاور (ڈیلی اردو) صوبہ خیبر پختونخوا کے صوبائی حکومت پشاور کے علاقے سربند میں نامعلوم افراد نے چیک پوسٹ پر تعینات پولیس اہلکار کو فائرنگ کرکے ہلاک کر دیا۔
https://twitter.com/ShabbirTuri/status/1473730491811565570?t=8FtbvpOxuxCXtzDTD8t-Ng&s=19
پولیس کے مطابق پولیس اہلکار گلفراز خان باڑہ قدیم چیک پوسٹ پر تعینات تھا جبکہ اس کا دوسرا ساتھی چیک پوسٹ کے قریب نماز پڑھنے میں مصروف تھا کہ اس دوران پیدل آنے والے ایک شخص نے چیک پوسٹ کے اندر داخل ہو کر کانسٹیبل گلفراز خان کو گولی مار دی جس کے نتیجے میں وہ موقع پر ہی توڑ گیا۔
فائرنگ کرنے والے دہشتگرد کے بارے میں بتایا جاتا ہے کہ اس کو دوسرے ساتھی کی معاونت حاصل تھی جس نے چیک پوسٹ کے قریب موٹر سائیکل کھڑی کی تھی اور واردات کے بعد دونوں ملزمان موٹر سائیکل پر فرار ہوگئے۔
پولیس کے مطابق فائرنگ نائن ایم ایم پستول سے کی گئی جس کے خول برآمد کر لیے گئے ہیں اور واقعے کا مقدمہ درج کر کے تحقیقات کا آغاز کر دیا گیا ہے۔
پشاور : گزشتہ شب تھانہ سربند باڑہ قدیم چیک پوسٹ پر نامعلوم شرپسندوں کی فائرنگ سے شہید ہونیوالے پولیس اہلکار گل فراز کی نماز جنازہ پولیس لائنز میں سرکاری اعزاز کیساتھ ادا کر دی گئی۔ پولیس کے چاق و چوبند دستے نے شہید کو سلامی پیش کی اور شہید کے جسد خاکی پر پھول چڑھائے گئے۔ pic.twitter.com/Firybt7Pej
— KP Police (@KP_Police1) December 23, 2021
