بنوں (نمائندہ ڈیلی اردو) صوبہ خیبر پختونخوا کے ضلع بنوں میں بارودی سرنگ پھٹنے سے ایک شخص ہلاک اور 2 زخمی ہوگئے۔
پولیس کے مطابق تحصیل میرعلی کے نواحی گاؤں ممہ خیل میں بارودی مواد کے دھماکے میں ایک شخص ہلاک اور 2 زخمی ہوگئے۔ بارودی مواد ٹیوب ویل کے ساتھ نصب کیا گیا تھا۔
دھماکے کے زخمیوں کو بنوں ہسپتال منتقل کردیا گیا ہے۔
بنوں پولیس نے دھماکے کے حوالے سے تحقیقات کا آغاز کردیا ہے جبکہ سیکورٹی فورسز نے علاقے کو گھیرے میں لے کر سرچ آپریشن شروع کردیا ہے۔
