دمشق (ڈیلی اردو) شام کے صوبے الحسکہ میں جیل پر داعش کے حملے اور مختلف تصادمات کے نتیجے 330 سے زائد افراد ہلاک ہوچکے ہیں۔
العربیہ کے مطابق جیل پر ہوئے 20 جنوری کو داعش کے بڑے حملے اور کُرد فورسز اور جنگجوؤں کے درمیان تصادمات میں برطانوی وار مانیٹر نے ہلاکتوں کے اعداد و شمار پیش کیے جس میں بتایا گیا کہ گزشتہ دس دنوں میں 330 سے زائد افراد ہلاک ہوئے جن میں عام شہری بھی شامل ہیں۔
وار مانیٹر جو شام کے اندرونی ذرائع پر منحصر کرتا ہے، نے یہ بھی بتایا کہ تصادمات میں 246 داعش کارکنان، 79 کرد فورسز کے اہلکار اور 7 عام شہری ہلاک ہوئے۔
سیرین آبزرویٹری فار ہیومن رائٹس کے سربراہ رمی عبدالرحمان کا کہنا ہے کہ ہلاکتوں کی تعداد میں مزید اضافہ بھی ہوسکتا ہے کیونکہ متعدد افراد یا تو شدید زخمی ہیں یا لاپتہ ہیں یا مزید ہلاکتوں کی معلومات ابھی پہنچی نہیں ہیں۔
