نوشہرہ (نمائندہ ڈیلی اردو) خیبرپختونخوا کے ضلع نوشہرہ کے علاقے جلوزئی میں پولیس موبائل پر فائرنگ سے اے ایس آئی سمیت 2 اہلکار ہلاک ہوگئے۔
پولیس حکام کے مطابق نوشہرہ کے علاقے جلوزئی کے قریب ارنڈو خوڑ میں نامعلوم افراد نے پولیس موبائل پر فائرنگ کردی، جس کے نتیجے میں موبائل انچارج اے ایس آئی سمیت 2 پولیس اہلکار ہلاک ہوگئے۔
ہلاک اہلکاروں کی شناخت اے ایس آئی فیاض خان اور کانسٹیبل سجاد کے نام سے ہوئی ہے جبکہ ایک کانسٹیبل شدید زخمی ہوگیا، جس کو لیڈی ریڈنگ ہسپتال پشاور پہنچایا گیا۔
پولیس نے علاقہ میں سرچ آپریشن شروع کرکے ملزمان کی گرفتاری کے لئے تلاش شروع کردی ہے۔
