میرانشاہ (ڈیلی اردو) صوبہ خیبر پختونخوا کے قبائلی ضلع شمالی وزیرستان میں دہشتگردوں کے سروں کی قیمت مقرر کرنے سے متعلق پمفلٹس تقسیم کردیے گئے۔
پمفلٹ اردو اور پشتو زبان میں تحریر کیے گئے ہیں جس کے ذریعے عوام سے دہشت گردوں کو پکڑنے میں تعاون کی اپیل کی گئی ہے۔
انتہائی مطلوب دہشتگردوں کے خلاف شمالی وزیرستان کی عوام سے اپیل سامنے آ گئی۔
نام صیغہ راز میں رکھا جائے گا۔ pic.twitter.com/O1sUEOxPOd— Raja Faisal (@RajaFaisalPK) February 6, 2022
پمفلٹس میں کالعدم تحریک طالبان پاکستان کے کمانڈر سید انار، شفیر اللہ اور حمید اللہ کے سروں کی قیمت 50، 50 لاکھ روپے مقرر کی گئی ہے جب کہ رحمان اللہ، میرخاتم، حسن گل اور آفتاب اللہ طارق کے سروں کی قیمت 30، 30 لاکھ مقرر ہے۔
خیال رہے کہ گزشتہ روز صوبہ خیبرپختونخوا کے قبائلی ضلع کرم میں پاک افغان بارڈر پر سرحد پار سے دہشت گردوں کی فائرنگ میں 5 فوجی ہلاک ہوگئے تھے۔