پشاور (ڈیلی اردو) صوبہ خیبر پختونخوا کے صوبائی دارالحکومت پشاور کے مضافاتی علاقے ایف آر حسن خیل میں حساس اداروں اور پولیس کے مشترکہ آپریشن میں 20 من دھماکا خیز مواد برآمد کرلیا گیا۔
پولیس حکام کے مطابق حسن خیل میں حساس اداروں کی اطلاع پر غیرقانونی دھماکہ خیز مواد کی برآمدگی کے لئے آپریشن کیا گیا، جس میں ناقابل یقین طور پر 20 من دھماکا خیز مواد برآمد ہوا۔
ایف آر پشاور کے سب ڈویژن حسن خیل میں خفیہ اداروں اور پولیس کا مشترکہ آپریشن
مائیننگ کمپنیز کے گوداموں پر چھاپہ
مقررہ مقدار سے زیادہ دھماکہ خیز مواد رکھنے پر تین گوداموں کے خلاف کاروائی تین افراد گرفتار
ڈیٹو نیٹرز 157سیفٹی وائیر 110 میٹرز بارود 792 کلو گرام شامل ہیں pic.twitter.com/LvhrpaiYJs— Imran Bukhari (@imranbukharibk) February 19, 2022
حکام نے بتایا کہ آپریشن کے دوران دھماکوں میں استعمال ہونے والے 157 ڈیٹونیٹر، سیفٹی وائیر، 110 میٹرز بارود، 792 کلو گرام اور 11 سو میٹر فیوز بھی برآمد ہوئے ہیں، غیر مجاز دھماکا خیز مواد سے بھرے گوداموں سے موقع پر موجود 3 افراد کو گرفتار کرلیا گیا ہے، جب کہ مزید تحقیقات شروع کردی گئی ہے۔
