پشاور (بیورو رپورٹ) صوبہ خیبر پختونخوا کے ضلع نوشہرہ کے تھانہ پبی کی حدود میں نامعلوم موٹر سائکل سواروں کی فائرنگ سے ڈیوٹی پر موجود پولیس اہلکار کامران ہلاک ہوگیا۔
تفصیلات کے مطابق نوشہرہ کے تحصیل پبی بازار میں نامعلوم مسلح افراد کی فائرنگ سے ٹریفک کانسٹیبل کامران ہلاک جبکہ ایک راہگیر نوجوان عرفان نامی شخص شدید زخمی ہوگیا۔
نوشہرہ : پبی بازار میں دوران ڈیوٹی نامعلوم شرپسندوں کی فائرنگ سے شہید ہونیوالے پولیس اہلکار کامران کی نماز جنازہ پولیس لائنز میں سرکاری اعزاز کیساتھ ادا کردی گئی۔ نماز جنازہ میں بریگیڈئیر عامر رشید، ڈی پی او محمد عمر،سماجی شخصیات،پولیس افسران اور کثیر تعداد میں معززین نے شرکت کی۔ pic.twitter.com/FbJh7w78Pm
— KP Police (@KP_Police1) March 16, 2022
دوسری جانب پولیس کی جوابی فائرنگ سے نامعلوم ملزمان موقع سے فرار ہوگئے۔
https://twitter.com/ShabbirTuri/status/1503785646699204609?t=XgoRst8cKyoHMlGavdD_VQ&s=19
پولیس نے علاقے کو گھیرے میں لے لیا ہے اور سرچ آپریشن شروع کردی ہے۔
ادھر کالعدم تنظیم تحریک طالبان پاکستان (ٹی ٹی پی) نے اس حملے کی ذمہ داری قبول کی ہے۔
