یروشلم (ڈیلی اردو) اسرائیل کے شہر بئر سبع میں چاقو سے حملے اور گاڑی چڑھانے کے واقعات میں 4 افراد ہلاک اور متعدد زخمی ہو گئے۔
میڈیا رپورٹس کے مطابق بئر سبع کے علاقے میں ایک چاقو بردار شخص نے پیٹرول پمپ کے قریب خاتون کو نشانہ بنایا پھر چوری شدہ گاڑی میں متعدد افراد کو ٹکر مار کر زخمی کر دیا، آخر میں حملہ آور نے ایک شاپنگ سینٹر کے باہر موجود افراد پر چاقو سے وار کیے جس سے متعدد افراد زخمی ہو گئے۔
رپورٹس کے مطابق مسلح اسرائیلی آباد کاروں نے حملہ آور کو گولی مار کر ہلاک کر دیا، حملہ آور سابق اسکول ٹیچر تھا تاہم اسرائیلی پولیس نے حملہ آور کی شناخت ظاہر نہیں کی ہے۔
