197

کاش آپ کالعدم تنظیموں اور مودی کیلئے بھی یہی لہجہ اپناتے: بلاول بھٹو زرداری

کراچی (ڈیلی اردو) پاکستان پیپلز پارٹی کے چیئرمین بلاول بھٹو زرداری کی جانب سے وزیر اعظم عمران خان کے تھر پارکر میں تقریر پر شدید ردعمل سامنے  آیا ہے۔

تفصیلات کے مطابق آج وزیراعظم عمران خان نے تھر پارکر کا دورہ کیا، جہاں‌ جلسہ عام سے خطاب کرتے ہوئے انھوں نے پیپلز پارٹی اور بلاول بھٹو سمیت اپوزیشن پر کڑی تنقید کی۔

 بلاول بھٹو کی تقریر سے متعلق وزیراعظم کا کہنا تھا کہ ایک شخص زرداری کا نام بدل کر بھٹو رکھ کے خود ساختہ لیڈر بن گیا، بلاول نے اسمبلی میں جو تقریر کی وہ کسی کو سمجھ ہی نہیں آئی، بلاول یوٹرن اچھی چیز ہے، مشکل وقت سے بچاتی ہے، ن لیگ اور ایم ایم اے والے تو اتنے گھبرا گئے کہ غلط سمت میں نماز پڑھ دی۔

اس کے جواب میں‌ بلاول بھٹو زرداری نے ٹویٹ کرتے ہوئے کہا کہ کاش عمران خان کالعدم تنظیموں اور نریندر مودی کے لئے بھی یہی لہجہ اپناتے۔

بلاول بھٹو زرداری کا کہنا تھا کہ وزیر اعظم عمران خان کا لب و لہجہ صرف اپوزیشن کیلئے ہی سخت ہوتا ہے۔

انھوں نے کہا کہ بہتر ہوتا، قومی اسمبلی میں میری تقریر پر عمران خان اسی وقت ردعمل دیتے، کچھ لوگ پیٹھ پیچھے ہی ردعمل دیتے ہیں۔

اس خبر پر اپنی رائے کا اظہار کریں

اپنا تبصرہ بھیجیں