کراچی (ویب ڈیسک) معروف سماجی کارکن عبدالستار ایدھی کی بیوہ اور بلقیس ایدھی فاؤنڈیشن کی چیئرپرسن بلقیس ایدھی 74 برس کی عمر میں کراچی میں انتقال کرگئیں۔
عبدالستار ایدھی کے صاحبزارے فیصل ایدھی کی جانب سے جاری بیان میں کہا گیا کہ بلقیس ایدھی کا انتقال ہوگیا ہے، نماز جنازہ اعلان کچھ دیر بعد کیا جائے گا۔
فیصل ایدھی نے بتایا کہ وہ چند روز سے علیل تھی اور جمعے کی شام حالت بگڑنے پر بلقیس ایدھی کو وینٹی لیٹر پر منتقل کیا گیا، تاہم وہ جانبر نہ ہوسکیں۔
انہیں رواں ہفتے کے شروع میں ہسپتال میں داخل کیا گیا تھا.
ایدھی فاؤندیشن کے ترجمان محمد بلال نے اس وقت بتایا تھا کہ وہ صحت میں بہتری تک مزید چند روز ہسپتال میں موجود رہیں گی۔
ان کا کہنا تھا کہ بلقیس ایدھی کا دل کا عارضہ ہے اور اس سے قبل دو مرتبہ بائی پاس بھی ہوچکا ہے۔
بلقیس ایدھی سماجی کارکن
بلقیس بانو ایدھی عبد الستار ایدھی کی بیوہ، ایک نرس اور پاکستان میں گزشتہ 6 دہائیوں سے فعال ترین مخیر حضرات میں سے ایک تھیں اور بلقیس ایدھی فاؤنڈیشن کی سربراہ تھیں۔
ان کے فلاحوں کاموں میں ایدھی ہومز اور ملک بھر میں ایدھی مراکز میں جھولا بھی شامل ہے، جس کے ذریعے ہزاروں لاوارت بچوں کی جانیں بچالی گئیں۔
مادر پاکستان کہلانے والی بلقیس ایدھی 1947 میں کراچی میں پیدا ہوئیں۔
انہوں نے بلقیس ایدھی فاؤنڈیشن کی سربراہ کی حیثیت سے اپنے شوہر کے ساتھ خدمات عامہ کے لیے 1986 رومن میگسیسی اعزار (Ramon Magsaysay Award) حاصل کیا۔
حکومت پاکستان نے انہیں ان کی خدمات پر ہلال امتياز سے نوازا جبکہ بھارتی لڑکی گیتا کی دیکھ بھال کرنے پر بھارت نے انہیں 2015 میں مدر ٹریسا ایوارڈ سے نوازا تھا۔
گزشتہ برس ایک بین الاقوامی ادارے نے انہیں اقوام متحدہ کے انسانی حقوق کے نمائندے پروفریسر یانگھی لی اور امریکی سائنس دان اسٹیفن سولڈز کے ہمراہ ‘دہائی کی شخصیت’ قرار دیا تھا۔
تعزیتی پیغامات
وزیر اعظم شہباز شریف نے بلقیس ایدھی کی وفات پر گہرے دکھ اور افسوس کا اظہار کرتے ہوئے کہا کہ بلقیس ایدھی نے مرحوم عبدالستار ایدھی کے انسانیت کی خدمت کے مشن کو جاری رکھا۔
انہوں نے بلقیس ایدھی کو ان کی خدمات خراج عقیدت پیش کیا اور مرحومہ کے بلندی درجات اور سوگواران کو صبر جمیل کی دعا کی۔
The passing of Bilquis Edhi is a huge loss for the nation. An incredible woman in her own right, she stood by Edhi sb. like a rock & together they set up an example of human compassion & ran one of the largest philanthropic organisations of the world. May her soul rest in peace!
— Shehbaz Sharif (@CMShehbaz) April 15, 2022
صدر مملکت عارف علوی کی جانب سے ٹوئٹر پر تعزیتی بیان میں کہا گیا کہ ‘بلقیس ایدھی صاحبہ کے انتقال کا سن کر افسوس ہوا، انہوں نے عبدالستار ایدھی کے فلاحی کاموں میں ان کا شانہ بشانہ ساتھ دیا اور ان کی وفات کے بعد بھی اس کام کو جاری رکھا’۔
انہوں نے دعا کرتے ہوئے کہا کہ ‘اللہ مرحومہ کی مغفرت فرمائے’۔
Sad to learn about the passing of Bilquis Edhi Sahiba. She had always been shoulder to shoulder with Abdul Sattar Edhi in his philanthropic efforts and continued his work even after his death. May Allah bless the departed soul.
— The President of Pakistan (@PresOfPakistan) April 15, 2022
وزیراعلیٰ سندھ مراد علی شاہ کا بلقیس ایدھی کے انتقال پر گہرے دکھ اظہار کرتے ہوئے مرحومہ کے سماجی خدمات کو سراہا۔
انہوں نے مرحومہ کی ایصال ثواب کے لیے دعا کی
قومی کرکٹ ٹیم کے آل راؤنڈر شاداب خان نے اپنے پیغام میں کہا کہ انسانیت کے لیے ان کی خدمات ہمیشہ یاد رکھی جائیں گی۔
We salute you Bilquis Edhi saheba. Your services to humanity will forever be remembered. May Allah grant you the highest rank in heaven and may your family get sabr. pic.twitter.com/gpAtC7WD0L
— Shadab Khan (@76Shadabkhan) April 15, 2022
قومی کرکٹ ٹیم کے سابق کپتان شاہد آفریدی نے بلقیس ایدھی کو انہیں لاتعداد یتیموں کی ماں قرار دیتے ہوئے کہا کہ وہ انسانیت کی اصلی چہرہ تھیں۔
انہوں نے کہا کہ ‘بلقیس ایدھی عبدالستار ایدھی کے فلاحی کاموں میں ان کے شانہ بشانہ تھیں اور ان کے بعد بھی ان کا مشن جاری رکھا’۔
https://twitter.com/SAfridiOfficial/status/1514979525230305280?t=i2FFf69Q7U1eNsrA9O27Dg&s=19
پاکستان پیپلزپارٹی (پی پی پی) کی رہنما آصفہ بھٹو زرداری نے پاکستان کے ناقابل تلافی نقصان قرار دیا اور کہا کہ انہوں نے لوگوں کی انتھک خدمت کی اور اپنے پیچھے خدمت کی مثال چھوڑ گئیں۔
The loss of Begum Bilquis Edhi is a monumental loss to Pakistan. She tirelessly served the people and leaves behind a legacy of compassion, kindness, and care. May she rest in peace pic.twitter.com/IYQfZCVoyA
— Aseefa B Zardari (@AseefaBZ) April 15, 2022
گلوکارہ قرت العین بلوچ نے انہیں مخاطب کرکے کہا کہ ‘آپ ایک مثال ہیں اور آپ کا کوئی ثانی نہیں، آپ اور ایدھی صاحب نے ہمیں انسانیت سکھائی’۔
https://twitter.com/Quratulainb/status/1514972860628021255?t=guhEys1L9r2AcEeWj8PWBg&s=19
پی پی پی سینیٹر شیری رحمٰن نے بلقیس ایدھی کے انتقال پر افسوس کا اظہار کیا اور کہا کہ ان کی خدمات کبھی فراموش نہیں ہوں گی۔
Grieved ????to hear of a ministering angel’s passing from our midst. #bilquisedhi was one such soul whose kindness and generosity shall not be forgotten. May she rest in peace, and may her life inspire others to carry the torch forward. Prayers for her bereaved family ????????
— SenatorSherryRehman (@sherryrehman) April 15, 2022