تیسرے ایک روزہ میچ میں آسڑیلیا نے بھارت کو 32 رنز سے شکست دے دی

نئی دہلی (ڈیلی اردو) بھارت اور آسڑیلیا کے درمیان تیسرے ایک روزہ میچ میں آسڑیلیا نے بھارت کو 32 رنز سے شکست دے دی۔ کھیل سے کھلواڑ پر شائقین کرکٹ کو آئی سی سی کے ایکشن کا انتظار ہے گا ۔

آسٹریلیا کے 313 رنز کے جواب میں بھارت سورما صرف 281 رنز پر ڈھیر ہو گئے۔ فوجی ٹوپیاں پہننے بھارتی ٹیم کو آسٹریلیا نے شکست دے دی ہے۔ آسٹریلیا پہلے کھیلتے ہوئے 313 رنز کا ہدف کے جواب میں بھارتی سورما 281 بنا سکے۔ پاکستانی نژاد عثمان خواجہ نے ایک چھکے اور گیارہ چوکوں کی مدد سے 104رنز بنائے۔

انڈین ٹیم کے کپتان ویرات کوہلی نے ٹاس جیت کر آسٹریلوی ٹیم کو پہلے بیٹنگ کی دعوت دی جس کا کینگروز کھلاڑیوں نے خوب فائدہ اٹھایا۔ اوپنرز بلے باز فنچ اور عثمان خواجہ نے شاندار بلے بازی کا مظاہرہ کرتے ہوئے انڈین بالرز کی خوب درگت بنائی۔آسٹریلیا کی جانب سے عثمان خواجہ 104، فنچ 93، میکسویل 47 اور سٹوانس نے 31 رنز بنائے اور نمایاں بلے باز رہے۔

انڈیا کی جانب سے کلدیپ یادیو واحد گیند باز تھے جنہوں نے اچھی بالنگ کی اور مخالف ٹیم کے 3 کھلاڑیوں کو آئوٹ کیا۔ ہدف کے تعاقب میں انڈین ٹیم میدان میں اتری لیکن کپتان ویرات کوہلی کے علاوہ کوئی اور بلے باز اچھی کارکردگی نہ دکھا سکا۔ ویرات کوہلی نے 16 چوکوں اور ایک چھکے کی مدد سے 123 رنز کی اننگز کھیلی۔ اس میچ میں انہوں نے اپنی 41 ویں سینچری بنائی۔

آسٹریلیا کی جانب سے کمنز، رچرڈسن اور زامپا نے تین، تین کھلاڑیوں کو آئوٹ کیا جبکہ لیون کے حصہ میں صرف ایک وکٹ آئی۔ یوں آسٹریلیا نے انڈیا کو سیریز کے تیسرے میچ میں 32 رنز سے شکست دیدی۔

Facebook Notice for EU! You need to login to view and post FB Comments!

اس خبر پر اپنی رائے کا اظہار کریں

اپنا تبصرہ بھیجیں