ابوجا (ڈیلی اردو) نائیجیریا میں ایک پولیس سٹیشن پر نا معلوم مسلح حملہ افراد کے حملہ سے 3 پولیس اہلکار ہلاک ہوگئے۔
برطانوی اخبار نے نائیجیریا کی وسطی ریاست کوگی کے پولیس سربراہ ایڈورڈ ایگبو کے حوالے سے بتایا کہ پولیس اہلکار ریاست کے اڈوی لوکل گورنمنٹ ایریا میں حملہ آوروں کو پسپا کرتے ہوئے مارے گئے اور حملہ آور جائے وقوعہ سے فرار ہونے میں کامیاب ہوگئے۔
Three officers killed in central Nigeria as gunmen storm police station https://t.co/U9JF635oM4
— The Guardian (@guardian) April 23, 2022
انہوں نے کہا کہ حملہ آوروں نے پولیس سٹیشن میں گھسنے کی کوشش کی جس پر پولیس اور حملہ آوروں کے درمیان فائرنگ کا تبادلہ ہوا جس کے نتیجے میں 3 پولیس اہلکار ہلاک ہوگئے۔
انہوں نے کہا کہ پولیس نے پورے علاقے کو محاصرے میں لے رکھا ہے اور ملزمان کی تلاش جاری ہے۔
دوسری جانب داعش نے اس حملے کی ذمہ داری قبول کرلی ہے۔