واشنگٹن (ڈیلی اردو) امریکہ، ترکی، سعودی عرب، متحدہ عرب امارات سمیت دنیا کے مختلف ممالک میں پیر کو عیدالفطر منائی جا رہی ہے۔
نمازِ عید کے بڑے اجتماعات کا انعقاد سعودی عرب کے شہر مکہ اور مدینہ میں ہوا۔
مدینہ میں مسجدِ نبوی میں ہزاروں افراد نے نماز عید ادا کی جس کے لیے مسجد کے اندرونی و بیرونی احاطے سمیت قریب واقع سڑکوں پر بھی نماز کی ادائیگی کا اہتمام کیا گیا تھا۔
مکہ میں مسجد الحرام میں نمازِ عید کے لیے خصوصی انتظامات کیے گئے تھے۔
#VIDEO: Scenes from the Prophet’s Mosque on #EidAlFitr pic.twitter.com/vAN6hMP29e
— Saudi Gazette (@Saudi_Gazette) May 2, 2022
دنیا بھر سے مسلم برادری کو عید کے موقع پر مبارک باد کے پیغامات بھیجے جا رہے ہیں۔
امریکہ کے صدر جو بائیڈ ن نے ایک بیان میں کہا کہ رواں برس عید الفطر کے موقع پر دنیا بھر میں ان لاکھوں بے گھر افراد اور پناہ گزینوں کو اپنے دلوں میں یاد کر رہے ہیں جو اپنے خاندانوں سے الگ اور اپنے مستقبل کے بارے میں بے یقینی میں گزار رہے ہیں لیکن پھر بھی ایک روشن کل کی امید رکھتے ہیں۔
وائٹ ہاؤس کی جانب سے جاری صدر بائیڈن کے بیان میں مزید کہا گیا ہے کہ امریکہ میں بسنے والے مسلمان عید کی خوشیاں منا رہے ہیں، آیے ہم تمام عقائدکا احترام کرنے کے اپنے بنیادی عزم کے لیے اپنی لگن کی تجدید کریں۔
کینیڈا کے وزیرِ اعظم جسٹن ٹروڈو نے بھی اپنے ایک ویڈیو پیغام میں کہا کہ مسلم کمیونٹی کے لیے رمضان بہت اہمیت کا حامل ہے جس میں وہ عبادات کرتے ہیں اور روزے رکھتے ہیں۔
ان کا کہنا تھا کہ یہ مہینہ مسلم کمیونٹی کو ایک دوسرے کے قریب لانے کا باعث بنتا ہے۔
Eid Mubarak! I’m sending my warmest wishes to all Muslims who are celebrating Eid al-Fitr and marking the end of Ramadan. After a month of prayer, fasting, and giving back, I hope you’re able to enjoy this time of celebration and community. https://t.co/179sOfVl39 pic.twitter.com/EwBFeTv5PJ
— Justin Trudeau (@JustinTrudeau) May 1, 2022
انہوں نے مزید کہا کہ وہ جانتے ہیں مسلمانوں کو تشویش ہے کہ اسلاموفوبیا تیزی سے پھیل رہا ہے لیکن وہ سمجھتے ہیں مسلمان رجائیت پسند اور پُر امید ہیں۔
ان کے بقول کینیڈا ایک متنوع ملک ہے جہاں ہر کوئی خود کو محفوظ سمجھتا ہے۔ مسلم کمیونٹی نے ملک کے لیے کئی خدمات پیش کی ہیں اور آج ہم ان خدمات کی خوشیاں منا رہے ہیں۔ ان کے خاندان کی طرف سے تمام مسلمانوں کو عید کی مبارک۔
برطانیہ کے وزیرِ اعظم بورس جانسن نے بھی عید پر مسلمانوں کو مبارک باد دی۔
سوشل میڈیا پر ایک پوسٹ میں ان کا کہنا تھا کہ وہ برطانیہ اور دنیا بھر میں مسلمانوں کو رمضان کے اختتام پر اہل خانہ کے ساتھ عید منانے پر مبارک باد دیتے ہیں۔
I’d like to wish a joyous and blessed Eid al-Fitr to Muslims here in the UK and around the world gathering with friends, families and neighbours to mark the end of Ramadan.
Eid Mubarak! https://t.co/vCec02AOjS
— Boris Johnson (@BorisJohnson) May 2, 2022
ترکی میں بھی عید پیر کو منائی جا رہی ہے۔ اس موقع پر دارالحکومت انقرہ اور سب سے بڑے شہر استنبول سمیت ملک بھر میں عید کے اجتماعات ہو رہے ہیں۔
ترکی کے صدر رجب طیب اردوان نے عید پر اپنے پیغام میں کہا کہ وہ ترکی کی عوام کے ساتھ ساتھ دنیا بھر کے مسلمانوں کو اس تہوار کی مبارک باد دیتے ہیں۔
Rabbime millet olarak bizleri sağlık ve afiyet içinde bir Ramazan Bayramı’na daha kavuşturduğu için hamdediyorum.
Milletimizle birlikte yurt dışında yaşayan kardeşlerimizin, soydaşlarımızın ve tüm İslam âleminin Ramazan Bayramı’nı tebrik ediyorum. pic.twitter.com/LD9EnU1IP0
— Recep Tayyip Erdoğan (@RTErdogan) May 2, 2022
متحدہ عرب امارات (یو اے ای) کے نائب صدر، وزیرِ اعظم اور دبئی کے حکمران شیخ محمد بن راشد المکتوم نے عید پر اپنے پیغام میں کہا کہ دنیا بھر میں مسلمان عید پر ایک دوسرے کے مزید قریب آتے ہیں اور ان کے دلوں میں ایک دوسرے کے لیے محبت میں اضافہ ہوتا ہے۔
انہوں نے دنیا بھر کے مسلمانوں کو عید کی مبارک باد دی۔
كل عام وشعب الإمارات والأمة العربية والإسلامية بخير … كل عام ونحن لبعضنا أقرب.. وقلوبنا أكثر محبة وتسامحاً وسلاماً … كل عام ونحن بطاعة ربنا أسعد .. عيد سعيد وتقبل الله من الجميع صالح الأعمال ..
— HH Sheikh Mohammed (@HHShkMohd) May 1, 2022
سعودی عرب کے بادشاہ سلمان بن عبد العزیز نے بھی عید پر تہنیتی پیغام جاری کیا۔
شاہ سلمان کا سوشل میڈیا پر پیغام میں کہنا تھا کہ ہم خدا کا شکر ادا کرتے ہیں کہ اس نے ہمیں رمضان کے مہینے میں روزرے رکھنے اور عبادت کرنے کا موقع دیا جس کے بعد اب ہم عید کے خوشیوں کے موقع پر موجود ہیں۔
نحمد الله أن أكرمنا بصيام شهر رمضان وقيامه، وبلّغنا عيد الفطر المبارك، أعاده الله علينا وعليكم باليُمن والمسرات، ونشكره سبحانه وتعالى على ما آتانا من الخير والنِّعم، سائلين المولى أن يجعل هذا العيد السعيد بهجة لوطننا وأمتنا والعالم أجمع.
وكل عام وأنتم بخير.— سلمان بن عبدالعزيز (@KingSalman) May 2, 2022
