بنوں (نمائندہ ڈیلی اردو) بم ڈسپوزل اسکواڈ نے سی ٹی ڈی افسر کے گھر کے دروازے پر لٹکا ہوا دستی بم ناکارہ بنا دیا۔
پولیس کے مطابق صوبہ خیبر پختونخوا کے ضلع بنوں کے علاقے جھنڈوخیل میں رہائش پزیر سی ٹی ڈی کے اے ایس آئی پیر شفید اللہ خان کے گھر کے دروازے پر نامعلوم افراد نے دستی بم لٹکایا تھا تاہم اہل علاقہ نے دستی بم کو دیکھتے ہی پولیس کو آگاہ کیا۔
پولیس اور بی ڈی ٹیم نے موقع پر پہنچ کر علاقے کو گھیرے میں لے کر دستی بم کو ناکارہ بنا کر قبضے میں لے لیا۔
پولیس نے بتایا کہ نامعلوم افراد دستی بم دروازے کے ساتھ ایسے لٹکایا تھا کہ جیسے ہی دروازہ کھلتا تو پھٹ جاتا علاقہ مکینوں کی بروقت اطلاع پر منصوبہ ناکام بنا دیا گیا۔
