صوابی (نمائندہ ڈیلی اردو) صوبہ خیبر پختونخوا کے ضلع صوابی میں پولیس موبائل پر فائرنگ سے افسر سمیت 2 پولیس اہلکار ہلاک ہوگئے۔
پولیس کے مطابق صوابی کی تحصیل ٹوپی کے علاقے کلابٹ میں گشت پر مامور پولیس اہلکاروں پر ملزم سلمان نے فائرنگ کردی جس کے نتیجے میں کانسٹیبل عامر خان ہلاک جبکہ اے ایس آئی یاسر خان شدید زخمی ہوگیا۔
زخمی اہلکار کو طبی امداد کیلئے باچا خان میڈیکل کمپلیکس منتقل کردیا گیا، جہاں زخمی اہلکار دوران علاج دم توڑ گیا۔
پولیس کا کہنا ہے کہ واقعے کی مزید تحقیقات کررہے ہیں جبکہ پولیس نے ملزم کو گرفتار کرلیا۔
