اسلام آباد (بیورو رپورٹ) صوبہ خیبر پختونخوا کے قبائلی ضلع شمالی وزیرستان میں افغاستان سے ہونیوالے دہشت گردوں کے ایک حملے میں ایک اہلکار زخمی ہوگیا۔
سرکاری ذرائع نے نمائندہ ڈیلی اردو کو بتایا شمالی وزیرستان میں فائرنگ کے تبادلے کے دوران ایک دہشت گرد کو اس وقت مارا گیا جب افغانستان سے دہشت گردوں نے کنجیرا اور وارگر چوکیوں کے قریب سرحدی باڑ کو توڑنے کی کوشش کی۔
شمالی وزیرستان میں افغاستان سے ہونیوالے دہشت گردوں کے حملے میں سپاہی ثاقب زخمی ہوگیا۔ ذرائع کا کہنا ہےکہ افغانستان میں چھپے ہوئے دہشت گردوں نے سرحد کےقریب واقع پاکستانی چیک پوسٹوں کنجیرا اور وارگر سر پر حملہ کیا، جوابی کارروائی میں 1 دہشتگرد مارا گیا۔#NorthWaziristan @Natsecjeff
— Shabbir Hussain Turi (@ShabbirTuri) July 2, 2022
ذرائع نے مزید بتایا کہ مقابلے کے دوران ایک سیکیورٹی اہلکار ثاقب شدید زخمی ہوگیا جسے میرانشاہ ہسپتال منتقل کردیا گیا۔
