188

شمالی وزیرستان: افغان سیکیورٹی فورسز نے چار بھائیوں سمیت 8 پاکستانیوں کو شہید کردیا

میران شاہ (ڈیلی اردو) افغانستان کے صوبہ پکتیکا میں افغان سپیشل فورس کے گھروں پر چھاپوں کے دوران 8 پاکستانی مزدوروں کو شہید کردیا۔

تفصیلات کے مطابق پاک افغان سرحدی علاقے شمالی وزیرستان کے قریب افغان صوبے پکتیکا میں افغان سپیشل فورس نے مقامی قبائلیوں کے گھروں پر چھاپے مارے گئے۔ ذرائع کا کہنا ہے کہ چھاپے تحصیل برمل رخہ کے علاقے میں کابل خیل قوم کے گھروں پر مارے گئے۔

افغان فورسز کے چھاپوں کے دوران 8 افراد کو گھروں سے نکال کر شہید کردیا گیا، شہید ہونے والوں کا تعلق شمالی وزیرستان کے ملک شاہی کابل خیل قوم سے ہے۔

ذرائع کے مطابق قتل کئے گئے افراد مزدوری کے بعد کراچی سے کچھ دن قبل لوٹے تھے۔ شہید ہونے والوں میں 4 بھائی بھی شامل ہیں۔

مقامی ذرائع کا کہنا تھا کہ افغان سپیشل فورس نے خواتین کے سامنے لوگوں کو قتل کیا۔ قبائلی عمائدین کا کہنا تھا کہ افغان فورسز نے گھروں کی چادر اور چاردیواری کا بھی خیال نہیں رکھا۔

یاد رہے کہ رخہ پاک افغان بارڈر کے ساتھ متصل ہے جہاں وزیر قوم آباد ہے۔ قتل کئے جانے والوں کا کسی گروپ سے کوئی تعلق نہیں

پاکستان کے دفتر خارجہ نے 8 پاکستانی شہریوں کی ہلاکت کی تصدیق کرتے ہوئے کہا ہے کہ انہیں افغان سکیورٹی فورسز نے ہلاک کیا ہے، دفتر خارجہ نے واقعہ کی مذمت کی ہے۔

اس خبر پر اپنی رائے کا اظہار کریں

اپنا تبصرہ بھیجیں