پشاور (ڈیلی اردو) صوبہ خیبر پختونخوا کے صوبائی حکومت پشاور کے دین بہار کالونی میں اے این پی کے سینیٹر حاجی ہدایت اللہ کے گھر کے باہر دھماکہ ہوا تاہم حملے میں گھر میں موجود اہل خانہ محفوظ رہے۔
حاجی ہدایت اللہ نے صحافیوں کو بتایا کہ بم اندر گرتے ہی وہاں موجود اہل خانہ زمین پر لیٹ گئے اور کوئی جانی نقصان نہیں ہوا۔ واقعے کے اطلاع ملتے ہی سی ٹی ڈی اور پولیس کی ٹیمیں جائے وقوعہ پر پہنچ گئیں۔
عوامی نیشنل پارٹی کے مرکزی سیکرٹری مالیات و ایوان بالا میں پارلیمانی لیڈر سینیٹرحاجی ھدایت اللہ خان پشاور میں اپنے رہائشگاہ پر نامعلوم دہشت گردوں کی طرف سے دستی بم حملے کے متعلق میڈیا کے نمائندے کو تفصیلات بیان کرتے ہوئے
(Admin) pic.twitter.com/M7w6mW07Q3
— Senator Hidayatullah Khan (@senatorhidayat) July 9, 2022
پولیس کے مطابق بم دیسی ساختہ تھا اور حملے میں کوئی جانی مالی نقصان نہیں ہوا ۔ ابتدائی طور پر معلوم ہوا ہے کہ موٹرسائیکل سوار دستی بم پھینک کر فرار ہوئے۔
وزیراعلیٰ محمود خان نے واقعے کی مذمت کرتے ہوئے پولیس حکام کو ملوث افراد کی فوری گرفتاری کے لیے کارروائی عمل میں لانے کی ہدایت کرتے ہوئے کہا کہ ملزمان قانون کی گرفت سے بچ نہیں سکتے۔