لاہور (اے ڈی شہزاد) صوبہ پنجاب میں کاؤنٹر ٹیررازم ڈیپارٹمنٹ (سی ٹی ڈی) نے درجنوں انٹیلی جنس بیسڈ آپریشنز کے دوران 6 دہشت گرد اور 14 مشتبہ افراد گرفتار کرلیے۔
سی ٹی ڈی ذرائع کے مطابق دوران تفتیش 6 مشتبہ افراد کا تعلق کلعدم تنظیموں سے نکلا ہے، گرفتار دہشتگردوں کے قبضے سے بارودی مواد، سیفٹی فیوز، ڈیٹونیٹرز، ہینڈ گرینیڈ، آئی ای ڈی بم، چرس اور 36 ہزار سے زائد نقدی برامد ہوئی ہے۔
سی ٹی ڈی کی جانب سے ملزمان کے خلاف مختلف تھانوں میں 5 مقدمات درج کرلئے گئے ہیں۔
تاہم ملزمان کو نامعلوم مقام پر منتقل کرکے تفتیش کی جارہی ہے۔
