وانا (د م و) صوبہ خیبر پختونخوا کے قبائلی ضلع جنوبی وزیرستان میں بارودی سرنگ پھٹنے سے 3 بچے زخمی ہوگئے۔
نمائندہ ڈیلی اردو کے مطابق بارودی سرنگ کا دھماکا جنوبی وزیرستان کی تحصیل وڑی بدر کے علاقے بدر گیگا خیل میں ہوا۔
قبائلی ضلع جنوبی وزیرستان کے علاقے بدر گیگا خیل میں بارودی سرنگ پھٹنے سے 3 بچے زخمی شدید ہوگئے۔#SouthWaziristan #Pakistan @Natsecjeff
— Shabbir Hussain Turi (@ShabbirTuri) July 24, 2022
ڈسٹرکٹ پولیس آفیسر کے دفتر کے اہلکاروں نے واقعے کی تصدیق کرتے ہوئے بتایا کہ زخمی بچے مدرسے سے واپس آ رہے تھے کہ ایک زور دار دھماکا ہوا۔ جس کے نتیجے میں رضوان، حکیم اللہ اور عدیل زخمی ہوئے جن کی عمریں 10 سے 15 سال کے درمیان ہیں۔
پولیس کے مطابق دھماکے کے بعد زخمیوں میں سے ایک بچے کی حالت تشویشناک ہے۔
