اوٹاوا (ڈیلی اردو) کینیڈا کے شہر لینگلی میں فائرنگ سے دو افراد ہلاک اور متعدد زخمی ہوگئے ہیں۔ اوٹاوا سے پولیس نے بتایا ہے کہ فائرنگ کرنے والے مشتبہ شخص کو گرفتار کرلیا گیا ہے۔
پولیس کے مطابق ہلاک ہونے والے بےگھر افراد تھے۔ فائرنگ شہر کے کئی مقامات پر کی گئی۔
پولیس کا مزید کہنا ہے کہ گرفتار شخص سے تفتیش کی جاری ہے۔
دوسری جانب مقامی میڈیا نے بتایا کہ یہ واقعہ پیر کی صبح کینیڈا کے مغربی صوبے برٹش کولمبیا کے شہر لینگلی میں پیش آیا۔
پولیس نے ایمرجنسی الرٹ جاری کرنے کے ساتھ مقامی لوگوں کو اس مقام سے دور رہنے کے لیے کہا ہے۔
