بنوں (نمائندہ ڈیلی اردو) صوبہ خیبر پختونخوا کے ضلع بنوں سے دیسی ساختہ بم برآمد ہوا جسے بم ڈسپوزل اسکواڈ نے ناکارہ بنا دیا۔
https://twitter.com/ShabbirTuri/status/1566018262114062336?t=hmnmmv0E7WCGLpTlhZwBVA&s=19
نمائندہ ڈیلی اردو کے مطابق تھانہ بکاخیل کے حدود میرانشاہ روڈ مروت کینال انتظار گاہ کے نزدیک اور بنوں ائیر پورٹ کے قریب سے دیسی ساختہ بم برآمد ہوا جس پر پولیس اور سیکیورٹی فورسز نے بم ڈسپوزل اسکواڈ کو طلب کرلیا۔
بم ڈسپوزل اسکواڈ (بی ڈی ایس) کے مطابق ریت کے اندر بارودی مواد کو بالٹی میں چھپایا گیا تھا۔ بی ڈی ایس نے موقع پر پہنچ کر بم کو ناکارہ بنا دیا۔ بی ڈی ایس حکام کا کہنا ہے کہ بم دیسی ساختہ تھا۔
ادھر قبائلی ضلع باجوڑ میں بھی بم سکواڈ عملہ نے دیسی ساختہ بم کو ناکارہ بنا دیا۔
