سوات (ڈیلی اردو) صوبہ خیبر پختونخوا کے ضلع سوات کے علاقے کبل میں ایک گاڑی کے قریب دھماکے امن کمٹی کے ممبر اور دو پولیس اہلکاروں سمیت 5 افراد ہلاک ہوگئے۔
https://twitter.com/ShabbirTuri/status/1569724217385697281?t=mr8p9bi3MvIIORlPCzHqfg&s=19
ایس ایچ او کبل فیاض خان کے مطابق ابتدائی تفتیش سے معلوم ہوا ہے کہ یہ ایک ریموٹ کنٹرول بم دھماکا تھا جس میں امن کمیٹی کے رکن ادریس خان کو نشانہ بنایا گیا۔
انہوں نے کہا کہ دھماکے میں ہلاک ہونے والوں میں ادریس خان اور 2 پولیس اہلکار بھی شامل ہیں جن کی لاشیں سیدو شریف ٹیچنگ ہسپتال منتقل کی گئی ہیں۔
انہوں نے کہا کہ پولیس نے علاقے کو گھیرے میں لے لیا ہے۔
ابتدائی طور پر دھماکے کی ذمہ داری کسی نے قبول کرنے کا دعویٰ نہیں کیا۔
دھماکے کے فوری بعد وزیر اعلیٰ خیبر پختونخوا محمود خان نے واقعے کا نوٹس لیتے ہوئے انسپکٹر جنرل آف پولیس (آئی جی) سے رپورٹ طلب کرلی۔
وزیر اعلیٰ نے ہلاک ہونے والوں کے اہلخانہ سے افسوس کا اظہار کرتے ہوئے کہا کہ ’شہیدوں کی قربانیاں رائیگاں نہیں جائیں گی، ملزمان کو انصاف کے کٹہرے میں لایا جائے گا۔‘
