بلوچستان: پنجگور میں 2 دھماکے، 3 افراد شہید، 9 سے زائد افراد زخمی

پنجگور (ڈیلی اردو) بلوچستان کے ضلع پنجگور میں بم دھماکے کے نتیجے میں 3 افراد شہید جبکہ 9 سے زائد افراد زخمی ہوگئے۔

تفصیلات کے مطابق بلوچستان کے ضلع پنجگور میں بم دھماکے کے نتیجے میں 3 افراد شہید اور 9 سے زائد افراد زخمی ہوگئے، واقعے کے بعد امدادی اہلکاروں نے زخمیوں کو اسپتال منتقل کیا جہاں انہیں طبی امداد فراہم کی جارہی ہے جبکہ پولیس نے لاشوں کو اسپتال منتقل کرکے ضابطے کی کارروائی شروع کردی ہے۔

ذرائع کا کہنا ہے کہ پہلا دھماکا سیکیورٹی فورسز کی گاڑی کے قریب ہوا جبکہ دوسرا دھماکا الیکڑیشن کے دکان کے قریب ہوا۔

جبکہ پولیس کے مطابق دھماکے کے نتیجے میں متعدد گاڑیاں بھی تباہ ہوگئیں جبکہ دھماکا الیکڑیشن کی دکان کے باہر ہوا، واقعے کے بعد پولیس اور سیکیورٹی فورسز نے علاقے کو گھیرے میں لیکر سرچ آپریشن شروع کردیا ہے جب کہ دھماکے کی جگہ سے شواہد اکھٹے کیے جارہے ہیں۔

Facebook Notice for EU! You need to login to view and post FB Comments!

اس خبر پر اپنی رائے کا اظہار کریں

اپنا تبصرہ بھیجیں