ڈیرہ اسماعیل خان میں سی ٹی ڈی کی کارروائی، 4 دہشت گرد گرفتار، لشکرجھنگوی امیر اقبال بالی فرار

ڈیرہ اسماعیل خان (توقیر حسین زیدی) سی ٹی ڈی اور پولیس کی کارروائی ،پولیس کا انتہائی مطلوب خطرناک ٹارگٹ کلر، دہشت گرد اقبال کھیارہ عرف بالی کی موجودگی کی اطلاع پر چھاپہ، دہشت گرد فرار ہونے میں کامیاب جبکہ چار ساتھی ملزمان کو گرفتار کرلیاگیا۔سی ٹی ڈی پولیس نے ملزمان کے خلاف مقدمہ درج کرلیا۔

سی ٹی ڈی پولیس اور ڈیرہ اسماعیل خان پولیس نے کالعدم تنظیم لشکر جھنگوی گروپ کے ضلعی امیر ٹارگٹ کلر دہشت گرد مجرم اشتہاری محمد اقبال عرف بالی ولد اللہ وسایا قوم کھیارہ سکنہ چاہ خانیوالہ تحصیل پروا کی موجودگی کی اطلاع پر چھاپہ مارا لیکن دہشت گرد اقبال بالی وہاں سے فرار ہونے میں کامیاب ہوگیا۔

پولیس نے خطرناک مفرور اشتہاری اور اس کے دیگر تنظیمی افراد کو ہر قسم کی سہولت، قیام طعام اور ٹرانسپورٹ فراہم کرنے کے الزام میں چار افراد نعمت اللہ ولد محمد سلیم قوم ڈمرہ سکنہ رمک، تحسین اللہ ولد حمد خان قوم بھمب سکنہ گرہ گل داد، کاشف عرف کاشی ولد عبدالستار قوم درکھان سکنہ محلہ کمال خیل کلاچی اور امر اللہ ولد عبداللہ جان قوم بوراخیل سکنہ روڑی کو گرفتار کرلیاہے۔

پولیس کے مطابق مذکورہ گرفتار ملزمان لشکر جھنگوی گروپ کے سرگرم اراکین ہیں جو کہ محمد اقبال عرف بالی اور دیگر تنظیمی افراد کو ہر قسم کی سہولیات فراہم کرتے ہیں۔ پولیس نے ملزمان کے خلاف مقدمہ درج کرلیا ہے۔

اپنا تبصرہ بھیجیں