کوئٹہ (بیورو رپورٹ) کاؤنٹر ٹررزم ڈپارٹمنٹ (سی ٹی ڈی) نے صوبہ بلوچستان کے ضلع قلات میں کارروائی کر کے مبینہ دہشت گرد کو گرفتار کرلیا۔
An alleged facilitator of #BLA was arrested by #CTD from Mangochar-Kalat Road & recovered explosive from his custody, the arrested has been identified as Waliullah Lehri, who during initial interrogation confessed his crimes, #CTD claiming, https://t.co/PBQKlaaqIQ
— ???????? (@Info_Balochistn) November 6, 2022
سی ٹی ٹی ترجمان کے مطابق قلات کے علاقے منگوچر میں خفیہ اطلاع پر کارروائی کے دوران کالعدم تنظیم بلوچ لبریشن آرمی کے دہشت گرد ولی اللہ عرف بیبرگ کو اسلحہ و بارود کے ساتھ گرفتار کیا، جو تخریب کاری کی منصوبہ بندی کررہا تھا۔
اعلامیے کے مطابق دہشت گرد کے قبضے سے 1.5 کلو گرام بارودی مواد، پریما کورڈ 5 میٹر، 2 الیکٹرانک ڈیٹونیٹر برآمد ہوئے۔
ترجمان سی ٹی ڈی نے بتایا کہ ملزم نے ابتدائی تحقیقات میں مزید دو ساتھیوں محراب اور کمبیر نامی افراد کے نام بتائے جنہوں نے تخریب کاری کے لیے ملزم کو اسلحہ اور باردوی مواد فراہم کیا تھا۔
ملزم کو گرفتار کرنے کے بعد سی ٹی ڈی نے خضدار میں مقدمہ درج کر کے تفتیش شروع کردی جبکہ ملزم کے ساتھیوں کی گرفتاری کے لیے چھاپہ مار کارروائیوں کا آغاز بھی کردیا ہے۔